45 umahan nga kat-onanan

Na ‘certify’ sa ATI isip ALA

CORTES , Bohol, April 20 (PIA) – Sa padayon nga pagpaningkamot nga ma-agni ang mga Bol-anon nga mananum para sa pagkaon niining panahon sa pandemya kanus-a nagnihit ang kwarta para ipalit og pagkaon, napun-an na usab og duha ang Agricultural Learning Areas (ALA) sa Bohol.

Kini maoy gipaambit ni Agricultural Training Institute (ATI) Regional Director Dr. Carolyn May Daquio, atul sa opisyal nga pagbukas sa usa ka kan-anan didto sa Corella nga nagtanyag og mga ohong sa ilang menu.

Didto sa pagbukas sa Alfresco Resto sa Green Thumb Farm sa Sambog Corella, gipadayag usab ni Daquio nga lima na sa ilang mga nacertify nga ALA, ang miabut na sa 45 and ilang mga natabangan nga mamahimong ALA dihang gidugang ang lain pa nga 2 ka farms nianang semanaha.

Sa 45, dugang sa superbisor sa sentro sa pagbansaybansay alang sa katakus sa panguma, lima niini ang nakaabut na sa labing taas nga palapag sa mga ALA,: ang pagbukas niini alang sa pagsuroy sa mga turista.

Aron moabut niana, kinahanglan nag ang farm magtanyag sa kasinati-an nga makakat-on ang mosuroy (educational), may makuha nga nindot nga kasinati-an (experiential), makapa gahum sa mga tawo nga mosuroy nagdto sa paghimog maayong lakang (empowering), makapasugod sa kapanarbaho-an alang sa mga silingan nga mga trabahante (employment-generation) ug magkahatag og kalingawan (entertaining).

Kining lima nga nakaabut na sa labing taas nga palapag mao ang IYAAH Farm sa San Isidro District sa Tagbilaran, Green Thumb Farm sa Sambog Corella, Egay's Farm sa Bingag, Dauis, Malou Farm ug ang Mayana Upper Sampong Farmers Association (MUSFA) sa Mayana Jagna.

Iyang gipasabut nga ang mga Farms nga ila na nga na certify nga learning areas, maningkamot usab nga makaabut sa palapag sa pagka learning school sa Technical Education and Skills Development Authority (TESDA) alang sa organic farming, hog raising ug uban pa nga agriculture related skills.

Human makasugod isip tunghaan o kat-onanan alang sa mga mingkuha sa mga kurso sa TESDA, mahimo na ang farm nga mo-duso alang sa pagkahimo nga farm tourism destination sa Department of Tourism.

Niining panahon sa pandemya, ang pagpang certify sa ATI sa m ga learning areas, gipaabut nga makaaghat sa mga Bol-anon nga mosuroy aron magtuki sa mga teknolohiya sa panguma nga mahimong ilang sundogon alang sa ilang kaugalingon unya nga mga pagpananum sa pag-uli sa balay.

Kini usab gilauman nga mas mopalig-on pa sa seguridad sa pagkaon dinhi sa Bohol samtang ang tanan nangaliyup nga unta, maiway na niining nagpadayun nga hulga sa coronavirus disease. (COVID) (rahchiu/PIA-7/Bohol)

SA UMAHAN NGADTO SA KAN-ANAN. Gibansay sa The Green Thumb Farm and pagseguro sa mas lab-as nga pagkaon dihang gibuksan nila ang ilang kan-anan nga nagtutok sa mga luto gamit ang ohong, nga gikan mismo sa ilang umahan ngadto sa talad kan-anan. (rahc/PIA7/Bohol)

MAAYO NGA SINUGDANAN. Gisaysay ni ATI-7 Regional Director Dr. Carolyn May Daquio ngadto sa mga mingtambong sa pagbukas sa Green Thumb AlFresco Resto ang gikinahanglan sa usa ka ALA aron makasaka sa mas taas nga palapag ug makatabang sa pagpasugod sa panginabuhi-an. Ang Allfresco sa Green Thumb, usa ka ALA, TESDA Learning Center ug mahimo na nga DOT Farm Tourism site. (rahc/PIA-7/Bohol)