P20K tabang pinansiyal sa Employees’

Compensation pensioners, aprubado na ni PRRD

TAGBILARAN CITY, April 20 (PIA)--Gi-aprobahan na ni Presidente Rodrigo Roa Duterte ang paghatag og P20,000 tabang pinansyal sa Employees’ Compensation (EC) pensioners sa pribado ug pampublikong sektor.

Tumong niini nga makahatag og ginhawa taliwala sa grabeng epekto sa ekonomiya sa pandemya.

Ubos sa Administrative Order No. 39, ang one-time financial aid maglakip sa gibanabanang 31,000 ka pensioners sa Social Security System (SSS) ug Government Service Insurance System (GSIS).

“The ECC (Employees’ Compensation Commission) is hereby authorized to grant a one-time financial assistance of P20,000 to EC pensioners for permanent disability, permanent total disability and survivorship, in the private and public sectors, subject to the availability of funds and pertinent laws, rules and regulations, ” base sa nakalatid sa kamanduan.

“The adverse effects of the pandemic on the economy, supplementary health necessities for the battle against the virus, and restrictions imposed on our mobility and social interaction, have increased the financial and health burdens experienced by the EC pensioners,” matud pa gihapon sa AO.

Kalabot niini, gimando usab ni Presidente Duterte sa ECC, SSS, ug GSIS nga maggahin ug magpagawas og pondo aron i-cover ang nahisgotang financial aid.

Ang maong tulo ka buhatan gimanduan nga magpagawas og “rules and regulations” aron magpatuman og pinakaulahing direktiba.

Ang nahisgotang kamanduan nga gilagdaan ni Presidente Duterte niadtong Lunes, Abril Abril 19, mahimong epektibo human sa pagmantala sa Official Gazette o sa pahayagan. (ecb/PIA7-Bohol)

Ubos sa Administrative Order No. 39 nga gilagdaan ni Presidente Duterte niadtong Abril 19, ang P20,000 nga one-time financial aid maglakip sa gibanabanang 31,000 ka pensioners sa SSS ug GSIS. (PCOO)