DOH sa publiko: Sundon ang health protocols

aron malikayan ang posibilidad sa ‘airborne transmission’

TAGBILARAN CITY, April 20 (PIA)--Subling nipahinumdom ang Department of Health (DOH) sa publiko nga sundon ang minimum public health standards isip panagang sa COVID-19.

Kini human nigawas ang artikulo sa peer-reviewed journal nga The Lancet diin nakalatid ang mga ebidensya nga mapasa ang SARS-CoV-2 virus pinaagi sa “airborne transmission.”

“Ang sabi natin the main transmission nitong virus ay through droplet infection kaya nga yung mga minimum health protocols ay nandyan talaga,” matud pa ni DOH Usec. Maria Rosario Vergeire.

“Pero later on nadagdagan because may studies na lumabas na kapag nasa enclosed space ka, mas nagli-linger sa air yung virus by one and half to three hours sabi ng mga eksperto,” dugang pa niini.

Nagtuo si Vergeire nga igo naman ang mga sumbanang gipatuman sa gobyerno, bisan padayon nga gitun-an sa mga eksperto ang posibilidad sa pagkapasa sa virus pinaagi sa hangin.

Gawas sa paghugas sa kamot, physical distancing ug pagsuot og face mask ug face shield, nagpagawas usab og pahinumdom ang DOH kalabot sa uban pang health protocols nga angay sundon sa publiko.

“Dapat adequate ventilation, less talking, dapat physical distance is maintained, and if possible limit interaction in enclosed space,” matud pa ni Vergeire.

Matud pa nga kun ordinaryong tawo, mahimo ra ang surgical mask o cloth mask. Apan kadtong naa sa mga ospital, angay sila mogamit sa ‘highly-technical mask’ sama sa N95 mask tungod kay kun naa sa ospital, daghang aerosol generating equipment, mas magdugay nga magpabilin ang virus sa hangin sa mga ospital.

Giingong paaboton pa gihapon sa DOH ang rekomendasyon sa World Health Organization human sa nigawas nga pagtuon. (ecb/PIA7-Bohol)