Duterte, walay 'go signal' sa

Ivermectin batok COVID-19

 

MANILA, April 6 (PIA)--Gihimakak sa Malakanyang ang nataho nga nihatag na og ‘go signal’ si Presidente Rodrigo Roa Duterte sa Food and Drug Administration (FDA) ug Department of Health (DOH) aron gamiton ang tambal nga ivermectin sa mga pasyenteng nataptan og COVID-19.

 

Matud pa ni Presidential Spokesperson Harry Roque nga usa sa gituki sa pulong sa Inter-Agency Task Force (IATF) ang isyu kalabot sa ivermectin apan walay gihatag nga direktiba kalabot niini ang Presidente.

 

Giingong gipasabot ni FDA Director General Eric Domingo sa halos 10 ka oras nga IATF meeting ang isyu kalabot sa nahisgotang tambal ug sa iyang update nahibaw-an nga may mga nag-apply alang sa ‘compassionate use’ sa ivermectin.

 

“Antayin na lang po natin ang aksyon ng FDA sa mga naisampa ng aplikasyon for ivermectin,” matud pa ni Roque.

 

Karon nga giingong may nag-apply sa FDA, mahimo na kining i-proseso  aron matun-an kun mahimo ba gayud gamiton ang ivermectin batok sa COVID-19.

 

Ang ivermectin usa  ka tambal nga alang sa mga hayop nga mopatay sa mga microorganism sama sa bakterya ug uban pa. (ecb/PIA7-Bohol)