NGCP, gipaamping ang publiko batok sa mga

makig-negosasyon kalabot sa Right-of-Way

TAGBILARAN CITY, April 16 (PIA)--Gipaamping sa National Grid Corporation of the Philippines (NGCP) ang publiko batok sa mga indibidwal o grupo nga magpaila isip ilang empleyado.

Partikular nga gitumbok sa NGCP ang mga indibidwal nga nagpahigayon og unauthorized Right-of-Way negotiations.

Nipagawas og pasidaan ang NGCP human gitaho nga may mga dili otorisadong indibidwal ang nakig-negosasyon sa mga residente.

Gani, matud pa ni NGCP Visayas information officer Betty Martinez, may nataho nang insidente sama niini sa lungsod sa Balilihan.

Matud pa ni Martinez, dali lang mailhan ang mga tinuod nga ahente nila tungod sa suot niining identification card, uniform ug mga gidalang tinuod nga dokumento.

Gawas pa niini, magpahigayon ang mga kawani sa maong buhatan og pakig-negosasyon sa patas ug propesyunal nga pamaagi.

Gihangyo sa NGCP ang publiko nga kun may kadudahang indibidwal nga makig-transakyon kanila, ipahibalo lamang kini sa pinakaduol nilang buhatan o motawag o text lamang sa mga numero 0917 847 6427 o 0918 847 6427 o magbilin og mensahe sa tipngcp@ngcp.ph. (ecb/PIA7-Bohol)

Gihangyo sa NGCP ang publiko nga kun may kadudahang indibidwal nga makig-transakyon kanilakalabot sa unauthorized Right-of-Way negotiations, ipahibalo lamang kini sa pinakaduol nilang buhatan o motawag o text lamang sa mga numero 0917 847 6427 o 0918 847 6427 o magbilin og mensahe sa tipngcp@ngcp.ph. (NGCP/PIA7-Bohol)