Pagbakuna sa Priority Group A4,

aprobado na sa COVID-19 task force

TAGBILARAN CITY, April 16 (PIA)--Gi-aprobahan na sa Inter-Agency Task Force (IATF) ang Priority Group A4 sa National COVID-19 Vaccine Deployment Plan.

Ang Priority Group A4 gilangkoban sa mga commuter transport (land, air, ug sea), kauban ang logistics; public ug private wet ug dry market vendors; frontline workers sa mga groceries, supermarkets, delivery services; mga trabahante sa paghimo og pagkaon, ilimnong medical ug pharmaceutical products; frontline workers sa food retail, apil na ang food service delivery; frontline workers sa pribado ug government financial services; ug frontline workers sa mga hotels ug accommodation establishments.

Nalakip usab sa Priority Group A4 ang mga pari, rabbis, imams, ug uban pang religious leaders; security guards/ personnel nga nakadestino sa mga buhatan, ahensiya, ug organisasyon nga gitumbok sa listahan sa priority industries/sectors; frontline workers sa pribado ug government news media; customer-facing personnel of telecoms, cable ug internet service providers, electricity distribution ug water distribution utilities; frontline personnel sa basic education ug higher education institutions ug agencies; ug overseas Filipino workers, apil na ang mga naka-iskedyul alang sa deployment sulod sa duha ka buwan.

Gawas niini, apil usab sa Priority Group A4 list ang mga frontline workers sa law/justice, security, ug social protection sectors; frontline government workers nga nalambigit sa mga operasyon sa government transport system, quarantine inspection; worker safety inspection ug uban pang COVID-19 response nga kalihokan; frontline government workers nga in-charge sa tax collection, assessment sa businesses alang sa incentives, election, national ID, data collection personnel; diplomatic community ug Department of Foreign Affairs (DFA) personnel sa consular operations; ug Department of Public Works and Highways (DPWH) personnel nga in-charge sa pag-monitor sa mga government infrastructure projects. (ecb/PIA7-Bohol)