Saliva RT-PCR sa Red Cross

Bohol sa P2,500 kon dinalian

TAGBILARAN CITY, Bohol, April 5, (PIA) – Modawat na ang Philippine Red Cross (PRC) sa Tagbilaran sa mga buot magpatesting sa coronavirus disease (COVID) pinaagi sa laway.

Ang lawas isip maoy basehan sa Reverse Transcription Polymerase Chain Reaction (RT-PCR), usa na sa mga pamaagi nga gidawat sa Department of Health aron pagdeterminar kon ang usa ka tawo, aduna bay kagaw sa COVID.

Giingong mas barato, mas paspas ug mas dili sakit ug komportable nga paagi sa pagtesting sa COVID, ang Saliva for PCR test nga gitanyag sa PRC Tagbilaran hinuon, mas mahal og dyutay kay sa kadtong adto sa mga PRC nga may laboratory gayud nga gihuptan.

Kahinumduman nga human m,apausab pinaagi sa us aka ordinansa sa Bohol, ang resulta sa RT-PCR niini sa containerized molecular laboratory, makuha na sa P3,800,

Hinuon, ang RT-PCR pinaagi sa molecular laboratory, mao pa gihapon ang giisip nga gold standard sa pag-ila kon ang pasyente, natakdan bas a COVID.

Segun pa ni Reyna Delloso, secretariat sa Bohol Inter-Agency task Force for Management of Emerging infectious Diseases (BIATF) bisan pa kon available na ang pag-ila sa COVID pinaagi sa laway, dinhi sa Tagbilaran, dili pa dinhi himoon ang pagproseso niini.

Sa Red Cross Tagbilaran, himoon lamang ang collection o pagkuha sa laway sa pasyente tungod kay ang pagproseso niini, adto pa gihapon himoon sa PRC laboratory sa Sugbo.

Bisan pa kon ang bayad niini, mas ubos og dyutay kay sa RT PCR pinaagi sa swab testing, may dyutay lamang nga madugang, dili sa laboratoryo tungod kay P2,000 gihapon sama sa ubang nga Saliva RT PCR, hinuon ang pagpadala niini sa Sugbo, kon dinali-an, maoy nagdugang sa bili niini.

Matud pa ni Delloso,ang cut-off time sa pagkuha sa buntag mao ang alas 10:00 nga byahe sa Lite Shipping paingon sa Sugbo, samtang sa pagka-palis, ang alas 3:00 usab nga byahe sa OCeanJet.

Saysay ni Delloso, segun pa sa PRC Tagbilaran, ang pagpadala sa collected saliva samples, dili matag adlaw, kon dili kaduha lamang sa usa ka semana.

Tungod niini, aghat sa BIATF, kon dinalian ang panginahanglan sa pagkuha sa resulta, ilabi na kon dili matunong sa gipatuman nga schedules, kinahanglan na nga mobayad ang pasyente og P500.00 alang sa handling fees.

Gidugang sa BIATF nga ang resulta mapaabut nga mogawas sulod sa 24 nagdto sa 36 ka oras human sa pgapadala niini. (rachiu/PIA-7/Bohol)

Si Red Cross Chairman Richard Gordon mipakita kon unsa ka sayon ang pagkuha sa samples alang sa COVID Testing pinaagi sa laway. Kini sukwahi sa kadtong kulitogon ang ilong ug alingagngag aron lamang makakuha sa swab samples. (PIA)