2 ka Lupon sa Bohol

makigtigi sa nat’l LTIA

TAGBILARAN CITY June 16 (PIA) – Nagmadaugon ang Lupong Tagapamayapa (LT) sa duha ka barangay dinhi sa Bohol human gipagawas ang resulta sa Lupong Tagapamayapa Incentives and Awards (LTIA) nga gidumala sa Department of Interior and Local Government (DILG) niining bag-o lamang.

Ang LTIA usa ka programa sa pagpasidungog sa mga malampuson nga Lupong Tagapamayapa sa mga kabarangayan sa ilang tabang sa pagpatunhay sa kahusay ug kalinaw sa ilang mga barangay.

Ang LTIA, usa ka bahan sa mga tawo nga nagtabang aron mahusay ang mga ginagmay nga kagubot sa mga kabarangayan aron dili na moabut sa mga korte ang mga kaso nga kaya ra husayon sa mga barangay. Kini gipangunahan sa mga kapitan.

Nagmadaugon ang LTIA sa barangay Taloto sa syudad sa Tagbilaran probinsya sa Bohol, sa component city category samtang ang barangay sa Nahawan Clarin ang nakadaug sa 4th to 6th class municipality category.

Kini usab samtang ang Budlaan, Cebu City nakaangkon sa LTIA alang sa Highly-Urbanized City ug ang Barangay Nasipit, Barili Cebu mao ang nakaangkon sa 1st ngadto sa 3rd class municipality category

Makig-indigay usab ang mga midaug sa mga barangay isip regional winners aron mapili isip regional entries sa LTIA National Validation karong tuiga. (Analyn Y. Socobos/PIABohol intern)