Pumpboat nakaplagan nga illegal

Nagbyahe sa Jagna Seabourne Patrol

TAGBILARAN CITY, June 16 (PIA) — Gisikop sa Philippine Coast Guard Jagna ug sa seaborne patrol sa lungsod ang usa ka pumpboat gikan sa Hilongos Leyte nga nilapas sa protocol og ordinansa ug nakaplagan nga illegal nga misulod sa kagadatan sa Jagna.

Diay, tuyo sa nagtimon sa nadakpan nga pumpboat, mao ang pagkuha sa usa ka opisyal sa barko nga midunggo sa silingang lungsod sa Garcia Hernandez, ug buot mo-uli sa ilaha sa Leyte.

Gisikop sa Seaborne Patrol ug PCG ang misulod nga pumboat, dihang kini namatikdan nga lahi og porma sa mga kasagarang pumpboat sa mga mananagat sa lungsod, ug gawas pa, wala kini magpa bansiwag sa gilagda nga marka nga gimandu sa PCG alang sa rehistradong mga bangka.

Kahinumduman nga nag-amping na ang mga taga Bohol sa ingon niining mga bangka kay diha nay nahitabo nga kini gisakyan sa mga bandidong Abu Sayyaf.

Ang seaborne Patrol ug PCG sa Jagna nahisakop sa Bantay Dagat Task Force nga gisuportahan og ordinansa sa administrasyon ni Mayor Joseph Rañola, alang sa pagpatunhay sa kalinaw ug kahapsay sa lungsod, ilabi na sa pagpanalipod sa kahinguhaan didto.

Ang Jagna Bantay Dagat Task Force maghimo og katulo sa usa ka semana nga mo patrolya sa municipal water.

Atul usab sa Environment month (June) gisumbong sa usa ka concerned citizen ang 13 ka tawo nga gituohan nanguha og bat o sea cucumber.

Nasayran nga kini mga dili taga Jagna og kini giaksyonan dayon sa mga tinugyanan kay nakalapas sa municipal ordinance.

Mapasalamaton ang Coast Guard sa Jagna sa suporta nga gehatag sa lungsod pinaagi sa paghatag og gasolina alang sa seabourne patrol ug type A uniform ug upgraded nga patrol boat. (Analyn Socobos/PIABohol intern)