Barangay certificate sa mo-uli nga RR

Kinahanglang pirmado sa tulo ka tawo

TAGBILARAN CITY, Bohol June 10 (PIA) – Aron mas sayon ang monitoring up mapaandam gayud ang barangay sa pagpasulod sa mga returning residents (RR) gibutyag sa mga tinugyanan sa syudad sa Tagbilaran nga kinahanglang may tulo ka tawo ang mopirma sa kuhaon nga Barangay Certification aron mahimong valido ang dokumento.

Ang tulo ka mga signatories, mao ang sa Barangay Chairman, Chairman sa Committee on Health ug sa Barangay Health Emergency Response Teams.

Ang Barangay Certification usa sa upat ka mga rekisitos aron madawat sa syudad ang mga manguli nga residente niini.

Gikinahanglan pa gihapon, subay sa mga local nga ordinansa ang mo-uli-ay nga residente nga makapakita sa negatibo nga resulta sa RT-PCR o Saliva RT PCR nga giproseso didto sa pasilidad nga accredited sa DOH.

Ang negative nga resulta sa COVID test pinaagi niing nahisgutang proseso kinahanglang moabut og 72 oras, ug gipagawas sa lugar diin mosakay sa barko o eroplano ang mobyahe.

Ang 72 oras magsugod og ihap human og kuha sa swab, pananglitan kon giswab og ala 1:00 sa Mayo 17, ang resulta niini magamit hangtud sa Mayo 20 sa ala 1:00 sa palis lamang.

Matud sa syudad ,dIli magamit ang tanan nga mga resulta sa Rapid Antigen test.

Ang RR usab kinahanglang moparehistro ug magbaton og aprobado nga S-Pass pinaagi sa pagrehistro sa S-PASS.PH pinaagi sa online.

Kon kompleto na ang requirements 1-3, ipadala kini isip scanned documents sa facebook page sa RETURNING RESIDENTS TAGBILARAN, aron mahatagan na sa Confirmation Letter.

Kon kompleto lamang ug walay suliran sa mga papeles, makuha na dayon ang Confirmation Letter, matud sa syudad. (rahchiu/PIA-7/Bohol)