BFAR PFO padayon pagpalambo

Sa industriya’s bangus sa Bohol

TAGBILARAN CITY, June 10 (PIA) –Padayon ang Bohol Provincial Fishery Office (PFO) sa Bureau of Fisheries and Aquatic Resources -7 (BFAR 7) sa pagmugna’g lakang aron matabangan paglambo ang industriya sa bangus sa probinsiya ug makadugang sa local nga tinubdan sa pagkaon ug pagseguro sa bastante nga suplay niini.

Niadtong Hunyo 7,2021, ang BFAR mihatag sa lungsod sa Getafe og supporta sa marine floating cages niini dihang mihatag ang BFAR og 5,500 ka bangus fingerlings alang sa Marianasan Seaweed Grower ug Fishfolk Association.

Kini subay sa programa sa Department of Agriculture nga Special Area for Agricultural Development (SAAD).

Ang Popoo Mag- uuma/Mananagat Association sa lungsod sa President Carlos P. Garcia misapi ug Php 57,500 sa ilang bangus nga ani, gikan sa fish cages usab nga abag sa BFAR.

Sa lain nga kaugmaran, ang Bohol PFO naghimo’g kasabutan tai sa Bohol Provincial Government ug Bohol Island State University (Clarin ug Calape campus) alang sa pagdagan sa mga bangus hatchery.

Lain nga pundok sa mga mangingisda, ang may 29 ka sakop nga Matabao Fishermen Association mi-ani og 1,201 ka kilo nga bangus gikan sa ilang floating fish cage ug mikita sila og P118, 835 sa duh aka anihan.

Niadtong Hunyo 7 mahitabo ang pagpirma sa Memorandum of Agreement sa Bohol PFO building.

Ang tumong sa kalihukan mao ang pagsupporta ug paghatag sa maayo nga kalidad sa semilya sa bangus ngadto sa tigpamuhi niini, sa probinsiya lakip na ang anaa sa pribadong sector. (Analyn Y. Socobos/PIABohol Intern)