DepEd may 670 ka pwesto
Para sa mga DOST scholars

TAGBILARAN CITY June 9 (PIA) -- Ang Departamento sa Edukasyon naggahin labaw pa sa 670 ka posisyon sa magtutudlo para sa naka gradwar og Department of Science and Technology’s (DOST) Science Education Institute (SEI).

Si DOST Secretary Fortunato de la Peña mi-ingon nga sa Fiscal Year 2021, ang katibuk-ang 674 ka posisyon sa pagka magtutudlo gigahin sa DepEd para sa DOST scholar-graduates nga gitakda nga magsugod sa ilang serbisyo sa buwan sa Agusto o sa wala pa mag-abli ang mga klasi.

Matod pa niya, niadtong Octobre 28, 2020, ang DEpEd naghimo og 3,319 ka posisyon isip Special Science Teacher 1 nga mag-alagad sa mga ni gradwar sa Junior Level Science Scholarship ubos sa R.A. No. 10612 o ang “Fast-Tracked Science and Technology Scholarship Act of 2013 alang sa School Year 2016-2017 hangtud S.Y 2020-2021.

Ang DOST misuporta sa pagpatuman sa K-12 pinaagi sa pagpalambo sa usa ka pundok sa mga scholar nga makahimo sa pagtudlo sa siyensiya, teknolohiya, inhenyero ug matematika sa sekondarya labi na sa mga senior high school.

Matod ni de la Peña, ang pagpatudlo niini nga mga scholars temporaryo lamang hangtud makapasar sila sa Licensure Examnation for Teachers sa sunod nga lima ka tuig. (Analyn Socobos/PIABohol intern)