Mga wala nakatunga alang sa ilang 2nd dose

sa COVID-19 vax, gipapangita ni PRRD

TAGBILARAN CITY, June 9 (PIA)--Gipapangita na ni Presidente Rodrigo Roa Du­terte sa mga awtoridad ug mga local government units (LGUs) ang mga nahatagan na sa unang dose apan wala pa nagpabakuna og balik alang sa ikaduhang dose sa COVID-19 vaccine.

Matud pa sa Presidente nga angay makit-an ang mga nabakunahan na apan wala nakatunga sa gitakdang adlaw nga angay mahatagan sa second booster.

“I want the authorities and the LGUs to find out why this is happening and to take steps to return to their --- maimbiyerna sila na madala ng mga barangay captain pati mayors. Kindly help us ferret out the persons who have not received the second booster until now,” matud pa ni Duterte.

Nihangyo si Duterte sa mga kinahanglang modawat sa ikaduhang dose sa pagpila og balik sa mga vaccination sites.

Gipasabot sa Presidente nga dili kumpleto ang proteksiyon batok sa virus kun dili mahatag ang ikaduhang dose.

“Alam mo ang medisina nitong mga Sinovac, Sinopharm and the rest, dito ngayon --- which are available in the Philippines, they require a second dose, booster. At kayong iisa lang, kulang ‘yan. Pakilinya lang ulit for the second dose because ang protection ninyo is not complete without the booster,” matud pa ni Duterte.

Giangkon usab sa Presidente nga lisod kumbinsihon ang mga Filipino nga gahi og ulo.

Apan gidugang usab niini nga dili garantiya nga dili na magka-COVID-19 ang kumpleto sa bakuna mao nga mahinungdanon pa gihapon ang pagsunod sa health protocols. (ecb/PIA7-Bohol)

Sa Press Briefing niadtong Hunyo 8, gipadayag ni Presidential Spokesperson Kalihim Harry Roque ang hangyo si Presidente Duterte sa mga kinahanglang modawat sa ikaduhang dose sa COVID-19 vaccine sa pagpila og balik sa mga vaccination sites aron mahatagan sa second booster.