COVID-19 Update sa Bohol:

267 ka kaso ang nadugang

Gikan sa milabayng semana

TAGBILARAN CITY June 10 (PIA) – Sulod sa usa ka semana, kinatibuk-ang 267 ka mga Bol-anon nag nadugang sa talaan sa mga nasakit sa corona virus disease (COVID -19).

Subay sa taho nga gipagawas sa Bohol Inter Agency Task Force Hunyo 10, 2021, mikabat nga sa 863 ang aktibong kaso sa COVID, gikan sa natala nga 596 nmga natala usa ka semana ang minglabay.

Sa sama nga higayon, nadugangan og tulo ka mga kinabuhing nakalas sa COVID-19 sulod sa usa ka semana, butang nga gikahingawa na sa kadaghanan.

GIkan sa 58 ka kaso sa mga nangamatay sa imaging semana, naa na sa 61 ang mga nangamatay karon, subay sa taho.

Karon usab nga adlaw, nakatala ang probinsya sa Bohol ug 44 ka bag-ong mga kaso sa COVID-19 gikan sa 180 ka swab sample nga geproseso sa duha ka mga laboratory dinhi ug didto sa silingan nga lalawigan sa Sugbo.

Niining semanaha, mi-abot na sa 4,620 ang katibuk-an nga compirmadong kaso sa probinsya sumala sa bag.ong COVID-19 report.

Niini, 863 ang mga aktibong kaso samtang 3,696 ang mga naayo ug 61 ang namatay sa maong sakit.

Kini nagpakita nga mas nidaghan ang kaso sa probinsya ug gi-awhag ang tanan sa pagsunod sa safety protocol nga gepamando sa goberno para malikayan nga matakdan sa maong sakit. (John Paul Elicano/PIABohol intern)