DOH Face shields: dugang

proteksyon batok COVID-19

TAGBILARAN CITY June 10 (PIA) -- Sunod sa rekomendasyon sa pagtangtang sa mandatory nga paggamit sa face shields sa publikong mga lugar, and Department of Health (DOH) nagsubli sa pagpasabut nga wala’y bisan usa ka pamaagi nga makahatag ug hingpit nga proteksyon batok COVID-19 ug ang face shields naghatag ug dugang nga proteksyon batok niini.

Ang minimum public health standards (MPHS) o ang pagsuot sa face mask ug face shields kung kanunay nga ginabuhat, makatabang kaayo nga maminusan ang risgo sa pagtakod sa COVID-19 samtang ang gobyerno naglaum nga makabakuna ug mas daghan pang mga Pilipino.

Matod ni Health Undersecretary Maria Rosaro Singh-Vergeire, “Nakasabot ta sa mga balaka nga gepasaka sa pugos nga pagsuot ug face shields ug abli kami sa mga panag-estoryahay aron mapalambo ang atong health policies, bisan pa nga ang kaso sa COVID-19 sa atong nasod nagkataas.

Gikataho nga wala’y pag-ubos ug nag hinay-hinay gani ang COVID og katag sa mga rehiyon gawas sa NCR.

Tungod niini, dli angay ipaubos ang atong personal nga mga pamaagi sa paglikay batok COVID-19 ug mamahimo lang kining luagan kung aduna nay mamatikdang pag-ubos sa kaso kada adlaw.”

Sa bag-ong pagtaas sa kaso sa COVID-19, ang DOH nag-awhag sa publiko sa hugot nga pag-obserba sa MPHS ug pagpabakuna aron malikayan ang pagkatag sa maong sakit. (John Paul Elicano/PIABohol intern)