DA7 Nagpahigayon og

Usa ka Cluster Summit

TAGBILARAN CITY, June 9 (PIA) -- Ang Department of Agriculture – Central Visayas (DA7) magpasiugda sa 1st Bayanihan Agri- Clusters (F2C2) Regional Summit and Assessment sa usa ka hotel sa Mandaue City.

Sa mensahe ni, Regional Executive Director Atty. Salvador D. Diputado, ang Farmers and Fisheries Clustering And Consolidation (F2C2) summit usa ka oportunidad nga masinati, obserbahan ug tun-an aron epektibo nga matuman ang mga katuyoan sa ipahigayon nga bayanihan.

Gipa-ambit niya nga ang clustering magbase sa mga produkto sama sa mais, utanon, og humay, og sa uban pa, nagpabilin nga usa ka maayong hagit sa rehiyon tungod sa heyograpiyang lokasyon .

Matod ni Diputado, bisan pa niana ang rehiyon nakahimo pa sa pagtukod og upat ka cluster, ang syudad sa Toledo ug Danao, ug ang lungsod sa Badian dinhi nahimutang ang corn cluster, samtang ang vegetable cluster nahimutang sa lungsod sa Dalaguete.

Misulti usab siya nga ang pagpresentar sa mga plano sa negosyo sa Farmers’ group and cooperative (F2C2) sa summit ang pinaka importante aron makasulod ang gobyerno alang sa iulang tabang.

Ang mga clustered area adunay labing dako nga pinansyal nga opurtunidad sa produksyon, post product assistance, og mga benepisyo gikan sa economies of scale.

Si DA Regional Technical for Operation Joel Elumba naga sulti usab nga ang clustering mao kini ang usa sa pamaagi nga makab-ot ang igo nga supply sa pagkaon.

Dugang pa niya, sa pagpahigayon ug farm clustering, ang abot sa mag-uuma mahiusa og mabaligya, bisan unsang panahon, ingon nga ang presyo magpabilin nga maayo, ug pinaagi sa F2C2, ang tibook nga nakita gikan sa produksyon hangtod sa pagpamaligya, nasa saktong pag-tagad. (Mae Ann Grace C. Rubia/PIABohol Intern)