Health Protocols sundon

Bisan og nabakunahan na

TAGBILARAN CITY, June 10 (PIA) – Si President Rodrigo Roa Duterte nagpahimangno sa tanang katawhan nga ipadayon ang pagsunod sa COVID-19 health measures, ilabina sa pag suot og facemask, kanunay pag hugas sa kamot, ug pagtuman sa social distancing bisan humana og bakuna.

Matod pa niya sa ceremonial vaccine rollout for essential workers nga ang bakuna dili ra ang solusyon, apan mao kini ang usa ka pamaagi karon para pag pildi sa pandemya.

Ang pagkabakunado, bisan kon may pasalig nga dili na magrabehan kon masakit man ugaling sa COVID, dili kini pasalig nga dili na matakdan ug makatakod sa mga wala mabakunahi.

Sugdan na sa goberno ang pagpamakuna sa publiko, ngadto sa empleyado sa pribadong sektor karong buwana, human sa mga prioridad nga bakunahan sama sa health workers, katigulangan, ug kadtong naay daan na nga gidala nga sakit.

Kun ang mga tawo makadawat na sa bakuna, makatabang kini sa mas sayon nga pag byahe sa laing lugar, paglambo sa ekonomiya.

Bisan kon ang goberno wala pa maghatag og bag-ong protocol ngadto sa mga nabakunahan, giangkon sa mga tinugyanan nga ila na kining gitun-an.

Ingon pa ni vaccine czar Carlito Galves Jr., nga ang task force maghatag usab og giya ngadto sa mga tawo nga nabakunahan na dri sa nasod.

Si Health Secretary Francisco Duque III naga ingon usab nga ang government’s vaccine expert panel adunay gihimo nga pagtuon alang sa mga nabakunahan, ug nagtigum na sila og dugang kasayoran kabahin sa COVID-19 vaccination gikan sa laing mga nasod, diin ang pagpamakuna milapas na sa katunga sa ilang populasyon. (Mae Ann Grace C. Rubia/PIABohol Intern)