Lungsod sa Dagohoy nagpahigayon

Na sa ilang 1st Dose Vaccination

TAGBILARAN CITY, June 10 (PIA) – Gibakunahan na si Mayor Sofronio C. Apat sa lungsod sa Dagohoy, usa ka lakang nga gidahum sa mayor nga makapaaghat sa kadaghanon nga nagduhaduha pa sa pagpabakuna nga mopila na aron mahatagan sa proteksyon.

Gihatagan sa 1st Dose sa bakuna si Mayor Sofronio C. Apat, kay una, apil siya sa priority group sa A1 workers in Frontline Services kay siya man ang tsirman sa Municipal Health Board ug nag-alagad sa lungsod, samtang siya ang nagmodelo sa tanang katawhan aron pag aghat sa pagpabakuna.

Dungan niini, nagpadayun gihapon ang pagpamakuna sa mga frontliners sa Dagohoy RHU, ug gipadayon usab ang pagpamakuna sa Priority Group A2 ( Senior Citizen ) sa kalain-laing barangay sa maong lungsod.

Sa pagpabakuna sa mayor, iyang buot nga ipaabut sa mga katawhan, nga kon dunay angay mahadlok, siya na unta kay siya may mayor, apan tungod kay nakasabut siyta sa tuyo sa [pagpabakuna, iya usab nga gipili nga panalipdan ang iyang mga kabanay ug kauban sa balay.

Niini, giawhag sa mayor ang tanang katawhan nga magpabakuna na dayun adto sa health center inubanan sa pag sunod sa health protocols, samtang liubre pa angbakuna karon.

Kini nagpakita nga dili angay mahadluk sa pagpabakuna para sa proteksyon kontra virus. (Mae Ann Grace C. Rubia/PIABohol Intern)