Mas daghan ang nahatagan 

sa Sinovac dinhi sa Pilipinas

TAGBILARAN CITY, Bohol, June 1 (PIA) -- Ang bakuna nga gikan sa China o ang Sinovac ang nag-una nga bakuna nga gipanggamit sa mga Pinoy karon base sa taho.

Sa kinatibuk-an nga 3,974,350 nga nakadawat sa una nga dose ug 1,206,371 nga nakakuha sa second dose sa COVID-19 vaccines nga hatag sa medical frontliners (Priority Group A), 2,096,876 niini ang Sinovac, samtang 1,778,344 ang migamit sa Astrazeneca.

Miabut sa 14,967 usab ang gitupokan sa Gamaleya ug 84,163 ang natupokan sa Pfizer sa ilang unang tupokan.

Sa laing bahin, 1,048,168 ang natupokan sa Sinovac, 147,843 sa Astrazeneca, ug 10,360 nahatagan sa Gamaleya alang sa ilang ikaduhang tupokan.

Sa kinatibuk-an nga 5,180,721 na ka Pinoy ang nadapatan sa bakuna batok sa corona virus disease (COVID-19), kini hangtud Mayo 30, 2021.

Niini, 43,680 ang gigamit alang sa unang tupokan: 3,636 alang sa medical frontliners, 11.110 sa senior citizens, 28,934 sa persons with comorbidities.

17,018 ka doses sa bakuna ang gipangtupok sa ikaduhang tupokan: 6,565 ang ngadto sa mga natupokan na nga medical frontliners 4,715 alang sa senior citizens, 5,057 alang sa mga nay daan na nga gihambin nga sakit.

Sa taho sa National Vaccine Operation Center (NVOC), ang kapin sa 5 milyones maoy suma-total sa nakakuha na sa una ug kadtong nanakompleto na sa duha ka tupokan aron mahingpit na ang panalipod sa lawas.

Sa natumbok nga kadaghanon, 3,974,350 ka Pinoy gikan sa medical frontliners, senior citizens, persons with comorbidities ug workers sa essential sectors ang nakadawat na sa unang tupok sa bakuna samtang padayon pa gihapon nga nangtupok ang mga tinugyanan sa mga katawhang nasukip sa prayoridad.

Sa laing bahin, 1,206,371 na usab ka mag Pinoy ang nakakompleto na sa una ug ikaduhang tupokan, segun sa taho.

Sa kinatibuk-ang ihap, mikabat na sa 1,403,647 ka Pinoy nga anaa sa medical frontline, 1,379,946 and mga senior citizens, 1,179,930 ang mga may comorbidities ug 10,827 pa ang mga trabahante sa essential sectors nga anaa sa frontlines. (rahc/PIA-7/Bohol)