Mga kabatan-onan, gi-awhag sa DA-7 sa 

pag-apil sa Young Farmers' Agribiz Challenge

TAGBILARAN CITY, June 7 (PIA)--Ang Department of Agriculture sa Tungang Kabisay-an (DA 7) nag-awhag sa mga kabatan-onan nga nag-edad og 18 hangtod 30 anyos sa pag-apil sa Young Farmers' Agribiz Challenge: Kabataang Agribiz.

Kining maong programa ubos sa Kabataang Agribiz Grant Assistance sa DA.

Ang aplikante sa maong kompetisyon kinahanglang moduso sa ilang Business Model Canvass (BMC) nga nagsaysay sa "potential profit" o potensyal nga kita sa ilang itukod nga negosyo o agriculture enterprises sama sa mga pananum (crops), mga hayop (livestock), pangisda (fisheries) , pagproseso (processing), ug uban pa.

Gipahibalo sa DA-7 nga ang Central Visayas adunay 85 ka slot alang sa maong kompetisyon.

Ang mapiling mananaog, mahatagan og P50,000.00 isip financial grant sa itukod nga negosyo.

Kining kompetisyon bukas sa mga kabatan-onan nga 18 hangtod 30 anyos ang panuigon, nag-eskwela (in-school) o wala mo-eskwela (out of school) nga adunay background o kasinatian sa agrikultura nga maoy hatagan og prayoridad.

Ang deadline niining kompetisyon gitakda sa Hunyo 15, 2021.

Alang sa dugang kasayuran, mahimong mobisita sa link nga http://agribusiness.da.gov.ph/.../the-young-farmers.../...

Mahimo usab moapil ang mga kabatan-onan sa FB close group nga (https://bit.ly/3e1vQsl) alang sa mga dugang o bag-ong kasayuran kabahin niining kompetisyon. (ecb/PIA7-Bohol)

Gipahibalo sa DA-7 nga ang Central Visayas adunay 85 ka slot alang niining kometisyon nga Young Farmers' Agribiz Challenge: Kabataang Agribiz. (DA 7)