Digitaly trained workers, kusog nga digi-

infra dev’t: bentaha sa Bohol sa IT-BPM

TAGBILARAN CITY, Bohol (PIA)—Ang nagpadayon nga pagbansay sa mga batan-ong trabahante sa digital nga kahibaw ug ang kusog nga pag-dagan sa pagpahiluna sa imprastraktura maoy nga baraha nga magamit sa Bohol sa ilang pangandoy nga mamahimong bag-ong information technology ug Business Process Management (IT-BPM) hub sa nasud.

Kini maoy gipamulong ni Information Technology Business Process Management Association of the Philippines (IBPAP) president ug chief executive officer Jack Madrid, ddto atul sa Bohol IT-BPM Forum didto sa Capitol Ceremonial Hall, Julyo 18.

Si Madrid, kinsa maoy keynote speaker sa Bohol IT BPM Forum mipadayag usab sa maayong kahigayonan nga ang Bohol makatikang sa $40 bilyones dolyares nga industrya nga nagpatrabaho sa dul-an sa 2 milyones ka full time nga trabahante, ilabi na kay ang mga Pilipino, giila nga may labing dako nga gikatampo sa kalampusan sa mga nag-unang negosyo sa kalibutan.

Ang Bohol giila nga may literacy rating nga 94.2% sa 2024 segun sa Functional Literacy, Education and Mass Media Survey, samtang ang 33 colleges ug universities nga nagpagawas sa mga graduates nga kasagaran mingkuha og business administration ug Management ug makasulti og Inengles, daku na nga alas.

Kin usab nga mga trabahante adunay lig-on nga pundasyon sa digital skills, artificial intelligence ug cloud ug data analytics, kon dili man medically trained, saysay ni Bohol Economic Development and Investment Promotions Officer (BEDIPO) Maria Fe Dominese.

Sa imprastraktura, ang Bohol nahiapil sa Digital Fiber Network Roll-out sa nasud u gang mnganag-una nga internet service providers misaad nag mas paspas pa nga connectivity pinaagi sa maabut nga online access plans, dugang ni Dominese.

Gawas sa maayong pagkabansay nga mga trabahante ug lig-on nga digital infrastructure, gibutyag usab ni Madrid ang kasayon sa pagpasugod og negosyo pinaagi sa competitive nga suholan, barato ang suga ug tubig, samtang laing alas sa Bohol ang kaduol sa mga suroyanan nga magakalingaw sa mga trabahante nga anaa sa high stress work atmospheres.

Bisan si Gov Erico Aristotle Aumentado miaghat pa usab sa mga mamumuhunan nga mosulod sa Bohol samtang iyang gisaysay ang laraw nga himoon ang daan nga tugpahanan sa Tagbilaran City ngadto na sa Bohol Business Park alang sa mga magtukod pa o magpalapad sa ilang mga negosyo sa Business Process Operations. (PIABohol)

BENTAHA SA BOHOL. Gisaysay ni Jack Madrid, presidente sa IMPAP sa nga mga bentaha sa Bohol ilabi na sa damgo niini nga mamahimong IT BPM hub, aron makadugang sa kapanarbahoan nga may maayo og sweldo ngadto sa mga Bol-anon, atul sa IT BPM Forum sa Capitolyo sa imaging semana. (PIABohol)