Sa gitarget nga P20 milyones

Halin sa DTI ‘Sandugo OTOP

Trade Expo’ milapas sa P24M

TAGBILARAN CITY, Bohol (PIA)— Sobra sa P24 milyones ang kinatibuk-ang cash ug booked nga halin sa mga exhibitors sa bag-o lamang gitapos nga Bohol Sandugo OTOP Trade Expo 2025 nga gihimo didto sa Island City Mall, niadtong imaging semana.

Ug sa gitumong sa Department of Trade and Industry (DTI) nga target nga halin, kini 121% lapas sa ilang gilansang nga abton nga halin, segun pa ni DTI Bohol Provincial Director Vierna Teresa Ligan.

Didto sa Kapihan sa PIA usa ka buwan sa wala pa buksi ang ika 17 nga Trade fair human kini nahimong regional expo, gibutyag sa DTI nga target nila nga abton sa halin ang P20 milyones.

Human sa 6 ka adlaw nga pamaligya sa 39 ka mga food processor exhibitors, 56 sa wearables ug home-style exhibitors, ug laing 25 ka furniture exhibitors, nasumada nga nalapasan pa niini ang ilang targets.

Matud sa DTI, sa processed food category, ang Ayannas Sili’ng Kinamayo gikan sa Baganga in Davao Oriental topped the maoy mitala sa labing dako nga halin sa kapin sa P 650 mil, gisundan sa Cleo’s Food Products ug Monique Miracle Fruit Juice nga may dul-an usab sa P400 mil ug ang Vhonnytiff Fruit Food Products and Processing nga nahalinan sa P373 mil sa unom ka adalw. 00.

Sa ‘wearables’ ug homestyle, labing daku’g halin ang Lets Go Natural sa P 805 mil, sunod ang Adorno 72 Home Decors nga may P739 mil ug ang Mamasyamideli Empresas nga mihalin og P765 mil.

Sa furniture, ang top sellers mao ang taga Loay, Bohol nga Suyman’s Wood Products sa P2.3 milyones, gisundan sa Gamalo Enterprises sa P2.1 milyones ug sa Obra Mano Furniture Manufacturing nga may P956 mil.

Niining accomplishment, mapasigarbohon’g gideklara ni Director Ligan ang Sandugo OTOP Trade Expo nga malampuson nga tabang sa mga MSMEs—dili lamang sa Bohol kon dili apil na usab sa ubang rehiyon.

Ug subay sa ilang panaad ngadto sa mga gagmay nga mamumuhunan nga makahimo pa og daghang mga himalitan nga mga produkto, ilang giaghat ang mga nakapundar nga apan anaa pa gihapon magdisplay sa mga balay, nga moadto sa mga Negosyo Centers diin makakuha sila og mga serbisyo ilabi na sa pagpangandam na usab paingon sa Annual Holiday Crafts Fair. (PIABohol)

P2.3 M SA UNOM KA ADLAW. Bol-anong garbo ang gidala sa Suyman Wood Crafts sa Loay diha nga ilang gidughit ang labing dako nga halin sa unom ka adlaw nga pamaligya sa Sandugo 2025 OTOP Trade Expo didto sa ICM sa imaging semana. (PIABohol)