3Q NSED sa Bohol, malampuson

Bisag hagsak ang komunikasyon

TAGBILARAN CITY, Bohol, (PIA)—Malampuson pa gihapon ang magpahigayon sa Bohol Capitol sa dinungan nga Earthquake Drill salangs a ika tulong kwarter (3QNSED) alas 4:00, September 11, 2025, kini bisan sa wala maplano nga pagkawagtang sa mga himan sa komunikasyon.

Gibutyag ni Office of the Civil Defense Region VII Disaster and Risk Reduction Management expert Engr Verneil Balaba, nga ilang gisukip sa scenario ang pagkawala sa komunikasyon gikan sa Incident Command Post nga nahimong dako nga hagit sa full simulation.

Buot nga makit-an sa bahan gikan sa rehiyonal nga mga evaluators kon unsa ang himoon sa Incident Command nga tinubdan sa secondary communication, ilabi na kay subay sa kasinati-an, nawala ang koryente sa panahon niadtong linug sa 2013.

Kon mawala ng koryente, mawala ang mga radio, computer, mobile towers, dugang niya.

Tungod niini, namatikdan sa mga tigpaniid nga nalangan ang pag-abut sa mga search and rescue teams, lakip na ang mga ambulansay ug mga responders gikan sa mga silingan nga kalungsuran nga nagkasabut nga magtinabangay sa panahon sa katalagman.

Didto sa hotwash human sa full-scale simulation exercise, nataho nga gikan sa alas 4:00, milanat pa og tunga sa oras digang ming-abut ang unang search and rescue team, ang Tagbilaran City Disaster and Risk Reduction Management Rescue Team.

Tungod usab sa pagkawala sa komunikasyon, nagkaproblema ang pagtaho sa mga floor wardens sa mga lokasyon sa mga biktima, nga kinahanglan pa usab nga subayon og usab aron makuha sa mga recuers.

Gitaho usab ni Leo Hontanosas, sa DSWD 7 nga bisag wala sa plano, may tinuod nga biktima nga nakuyapan, ug nagkinahanglan pa og 18 minutos hangtud napadala ngadto sa tambalanan.

Hinuon, sa kinatibuk-an, giaghat ni Engr Balaba ang Bohol PDRRM sa pag-improve sa proseso ug pagplano sa tanang possible nga mahitabo, bisan pa nga sa katungod sa Visayas Command, ang pagpahigayon sa National Simultaneous Earthquake Drill maayo ang pagkahimo kay wll coordinated, matud pa. (PIABohol)