Regional media motuki sa gga

programa sa nutrisyon dinhi

TAGBILARAN CITY, Bohol, (PIA)—Tuki-on sa mga sakop sa media sa rehiyon ang mga maayong bansay sa Bohol sa pagpatuman sa programa sa nutrisyon nga hinungdan nga natuboy kini isip Green Banner Seal of Compliance awardee sa tulo n aka tuig ug ilhon nga ang lalawigan nga may labing daghan nga Nutrition Honor Awardees (NHA).

Sa maong kalihukan, ang mga media practitioners sa rehiyon, sama sa mga mamumuwat, tigpamaba ug sa online media gilauman usab nga ilang ikapaambit ang makuha nga kasayuran sa ilang mga media platforms ug ikapaambit ang nga sugilanon sa kalampusan sa nga lugar.

Ang mga kauban nga sakop sa media sa Media Information Network for Nutrition and Development (MIND-7) makighinabi kang Gobernador Erico Aristotle Aumentado, kinsa tsirman sa Provincial Nutrition Council, ni Mayor Marlo Amila ug Joanna Faye Obdulia Reserva ang Municipal Nutrition Action Officer ug ni Regional Nutrition Program Coordinator Dr. Parolita Mission, aron sayran kon giunsa kini sa Tubigon pagkab-ot ang NH Award.

Ang NHA maoy labing taas nga pasidungog nga madawas sa us aka LGU gikan sa nasudnong kagamhanan tungod sa pagpatuman niini sa programa sa nutrisyon.

Ang Tubigon maoy nagsilbi na nga kat-onanan sa pagdumala sa programa sa nutrisyon sa Central Visayas.

Gawas sa Tubigon, subayon usab sa MIND Media Caravan ang lungsod sa Sikatuna.

Bisan sa iyang pagka fifth class municipality, napataas pa sa lungsod ang iyang programa sa nutrisyon gamit ang mga binag-ong proseso ug ang pagpamuhunan sa mga tawo nga napakita sa pagtumbok niini sa nutrition officer ug mga nutrition personnel ug ang paghimo og usa ka buhatan alang niini.

Gipaabut usab sa media nga ikabagat si Mayor Justiniana Ellorimo ug ang ilang Nutrition Action Officer, atul sa mdia Press Conference. (PIABohol)