Media, NNC-7 buot masayud sa

Mga programa sa nutrisyon diri

TAGBILARAN CITY, Bohol (PIA)— Himoon sa National Nutrition Council sa Region 7 ang tinuig nga Media Caravan on 12-13 September dinhi sa Bohol ug subayon sa konseho ang mga Nutrition Honor Awardees aron ikabagat sa mga sakop sa media ang gipatuman nga mga programa sa nutrisyon.

Kini maoy gibutyag ni Regional Nutrition Program Coordinator Parolita Mission, kinsa nakig-alayon sa Media Information Network for Nutrition and Development 7 (MIND 7) aron tabangan sa media ang kampanya, pinaagi sa pagpadayag sa mga programa, proyekto ug mga kalihukan nga magtubag sa suliran sa kakuwang sa pagkaon, seguridad sa kahimsog ug nutrisyon diha s amga programa nga gipatuman sa mga local nga kagamhanan.

Kahinumduman nga sa pila n aka tuig, consistent nga nakuha sa Bohol ang Green Banner Seal of Compliance awards samtang ang mga kalungsuran niini, mga Nutrition Honor Awardees.

Matud ni Mission, subayons amedia aron makig-bayloay sa mga kasayuran ang Tubigon nga mao ang Central Visayas’ regional learning hub, ug ang Pilar nga nakapakita og dagkong accomplishments sa iyang pagpahimutang sa kaugalingon nga nutrition office nga may regular ug full-time nga nutrition personnel.

Sa nahisgutan nga media caravan, ang mga sakop sa media makigsulti sa mga local nga mga pangulo sa lungsod ug kadtong nagpadagan sa programa sa nutrisyon samtang makigbayloay sa mga kasinati-an sa mga nagkadaiyang kalungsuran sa ilang pagpatuman sa mga programa sa nutrisyon. (PIABohol)

GATAS BOL-ANON FEEDING PROGRAM. Gipundohan sa Bohol ang tinuig nga supplemental milk feeding program sa milky bun ug gatas alang sa mga kabataan sa preschool ug kindergarten nga gaan og timbang, niwang, potot ug sakiton, ug pinaagi niini, napakunhod ang suliran sa malnutrisyon sa Bohol. Kini nga programa, sayran usab sa MIND 7 atul sa Media Caravan sa sunod semana. (PIABohol)