LGUs gimanduan sa DILG sa pagsusi sa mga

istruktura taliwala sa mga serye sa mga linog

TAGBILARAN CITY, Bohol (PIA)--Ang Department of the Interior and Local Government (DILG) gimandoan ang mga local government units (LGU) nga mag-inspeksyon sa mga istruktura taliwala sa mga serye sa mga linog nga nitay-og sa nasud.

Ning sayo pa, gimanduan ni Presidente Ferdinand R. Marcos ang tanan nga nasyonal nga ahensya nga maghatag og tabang sa mga apektadong lugar ug mga lakang sa pagpadali sa recovery ug rehabilitasyon.

Subay niini, gipamatud-an sa DILG ang tibuok nga suporta sa tanan nga mga LGU sa pagsiguro sa public safety, structural integrity ug dali nga pagkaayo sa mga komunidad nga naapektuhan sa linog.

Sa usa ka news release nga gipagawas adlaw’ng Lunes, ang DILG miingon nga ang mga LGUs, pinangulohan sa mga building officials, municipal ug city engineers, ug uban pang technical personnel, kinahanglang mohimo og paspas nga structural assessments, ilabina sa mga estraktura sa mga barangay nga apektado kaayo ug kadtong gikataho nga adunay makita nga mga liki, partial collapse o pagkaguba sa pundasyon.

Gimanduan ang mga LGUs nga susihon ang mga tilted o displaced nga mga building ug istruktura nga naapektohan sa mga ground fissures, sediment venting, ug pag-undang sa wala pa gitugotan ang pag-reoccupation.

Ang mga istruktura sa residensya kinahanglan usab nga gisusi sa husto aron mahibal-an ang gilapdon sa kadaot ug pagsiguro ang kaluwasan sa mga nag-okupar.

Gidugang pa sa DILG nga ang mga LGUs kinahanglan nga susihon ang mga istruktura sa residensya ug ibalhin ang mga apektadong pamilya sa mga temporaryo nga puy-anan kung ang mga istruktura gideklarar nga dili luwas.

Gipahinumdoman usab ang mga LGUs sa paspas nga pagproseso ug pag-isyu sa mga permiso alang sa pag-ayo o pag-usab sa mga buhat nga may kalabutan sa linog ug pagsiguro sa pagsunod sa national safety ug engineering standard. (ECB/PIA7-Bohol)

Gipasiugda sa DILG nga kinahanglan nga ipatuman dayon ang mga aksyon sa kaluwasan alang sa mga istruktura nga gideklarar nga dili luwas, lakip ang dali nga pagbakwit ug pagbalhin sa mga apektadong pamilya sa mga temporaryo nga puy-anan kauban ang mga Local DRRM Council ug Municipal Social Welfare and Development Offices (MSWDOs). (PIA file photo)