PANAGHAP SA DEPDEV SA 2025

‘Wholesale, retail’ mas labing

makapadan-ag sa ekonomiya

TAGBILARAN CITY, Bohol, (PIA)— Sa nakab-ot nga 8.82 % nga pagugmad sa ekonomiya sa Bohol, nga nagtimaan nga nakapahiuli na ang mga sector nga nagtampo alang sa ekonomiya sa Bohol, nagtuo ang mga taga Department of Economy Planning and Development (DepDEV) (kanhi National Economic Development Authority ) nga ang wholesale ug retail ang maghimog milagro sa Bohol sa sunod nga tuig.

Gibutyag ni DepDEV senior Economic Development Specialist Raffy Dave Boyles didto sa pagpakatap sa kasayuran sa Provincial products Account sa Bohol pinaagi sa Philippine Statistics Authority (PSA) nga sa labing daku nga pahat nga gikatampo niini sa 2024, mas modaku pa kini ilabi na sa pagbukas na sa PureGold ug sa gibalita nga pagsugod sa pagtrabaho sa ShoeMart Tagbilaran.

Sa 2024, ang wholesale, retail trade, repair of motorvehicles ug motorcycles mingtala sa 9.2 % nga growth rate, ang labing dako nga gikatampo sa tanan nga sector sa ekonomiya sa Bohol.

Gawas sa wholesale and retail trade, matud ni Boyles, dili usab halayo nga mosunod ang financial ug insurance activities kay matud niya, kanunay kini nga moduyog sa dagan sa wholesale ug retail dala na usab sa pagpaneguro nga may insurance kini.

Ang financial and insurance activities mingtala sa 10.7% economic growth sa 2024 sa Bohol.

Dugang ni Boyles, kon magpadayon ang produksyon sa humay, walay mga dautang panahon nga makaguba sa ani, may maayo usab nga kaugmaon ang panguma.

Gitumbok usab sa DEPDEV ang accommodation and food services nga mipakita og 16.0 % growth nga mingtala gikan sa P1.9 bilyones ngadto na sa P3.1 bilyones nga mga resibo, ug gani, kini, alang lamang sa non-residential ug resorts nga mopasulbong sa services sector. (PIABohol)

MAS DAN-AG NGA 2025. Mas maayo nga performance sa wholesale and retail sa 2025 mahimong mopadayon sa 2025, ug sa gipakita sa mga datus, mahimong ang dako nga ikatampo sa sector, magpasulbong pa sa ekonomiya sa Bohol, matud ni Raffy Dave Boyles sa DEPDEV (kanhi NEDA-7) (PIABohol)