Inflation rate sa Bohol: 1.0%

mas ubos pa sa Pilipinas, CV

TAGBILARAN CITY, Bohol (PIA)— Gikan sa 1.4 porsyento niadtong buwan sa Septembre, mas mihinay pa usab ang paggimok sa presyo sa mga nag-unang paliton, ngadto na sa 1.0 porsyento sa Oktubre, ang labing ubos nga inflation rate sa kinatubuk-ang Central Visayas (CV) niining buwana.

Kon kwentahon ang dagan sa presyo sa tibuok Pilipinas ug sa tibuok Central Visayas, sa 1.0 porsyento, ubos pa kini sa kinatibuk-ang nasud nga anaa sa 1.7 porsyento, nga parehas usab sa mi-aging buwan ug sa Visayas nga may 2.6 porsento nga inflation karon, gikan usab sa 4.1 porsyento sa Septembre.

Sa pagpa-ambit sa Philippine Statistics Authority (PSA) pinaagi ni Jessamyne Anne Alcazaren, gibutyag niya nga nga dako og gikatabang aron maguyod ang inflation paubos mao ang pagbehave sa index sa presyo sa pagkaon ug non alcoholic beverages.

Ang presyo sa food ug non alcoholic beverages nga usa sa mga may kabug-aton sa mga panginahanglan sa panimalay, mingkanaug gikan sa 1.8 porsyento sa Septembre ngadto na sa -4.0 porsyento sa Oktubre.

Sa nasampit nga kinaiya sa presyo, na-angin sa maayo nga paagi, ang food inflation sa Bohol.

Sa mi-agi nga buwan, ang food inflation anaa sa -2.0, ug karon anaa sa -4.3 porsyento, segun sa PSA.

Ang pagdaghan sa mga prutas ug mga nuts mipasangad na sa -9.8 porsyento paglihok sa presyo sa Oktubre gikan sa 3.1 porsyento niadtong mi-agi nga buwan.

Gikuygan usab kini sa pagbehave sa presyo sa gatas ug ubang produkto gikan niini, apil ang itlog nga mingtala og mas hinay nga 0.1 porsyento gikan sa 7.2 porsyento sa Septembre. (PIABohol)

PILIPINAS, CENTRAL VISAYAS, BOHOL. Samtang ang headline inflation sa Pilipinas sa Oktubre nagpabiling gilansang sa 1.7%, ug sa Central Visayas nga mi-ubos na sa 2.6% gikan sa 4.1%, ubos pa gihapon ang headline inflation sa Bohol nga anaa sa 1.0%, gikan sa 1.4% sa miagi nga buwan, taho ni PSA Bohol Sessamyne Anne Alcazaren. (PIAbohol)