Disyembre 3-4, 2025

Pamaskong Tabo 2025

Buksan sa APC grounds

TAGBILARAN CITY, Bohol (PIA)— Ipatilaw sa mga Bol-anon ang mga giproseso nga mga produkto gikan sa mga tanum ug isda, agi og pagpresentar sa Bol-anong kakugi nga giabagan sa gasa sa tabunok nga yuta.

Kini kay buksan sa Department of Agriculture (DA) Agricultural Training Institute (ATI) kauban sa mga ahensya sa goberno nga abag nila ang Pamaskong Tabo, didto sa APC Grounds, kilid sa Tagbilaran City Hall, Disyembre 3-4, 2025.

Kini matud pa ni DA-APC Information Officer Adoracion dela Cruz, dili pa dugay.

Ang Pamaskong tabo nahimo na nga regular nga tanyag sa DA-APC nga karon nga tuig, salmotan sa 23 ka mga exhibitors nga mga kahugpungan nga gitabangan usab sa DA.

Mapalit didto sa duh aka adlaw nga exhibit ang mga preskong utanon, duma, mga prutas, organikong pagkaon, lab-as nga isda, bag-ong abut nga humay lakip na ang mga giproseso nga mga pagkaon.

Gawas sa DA, mosalmot usab ang Central Visayas Aquatic Agriculture Resources Research and Development Consortium nga magtanyag sa 11 ka mga teknolohiya ig mga makinarya nga mahimong tukion sa mga mag-uuma nga nangita pa og pamaagi nga mahimong mechanized o mapamoderno ang ilang mga pamaagi, Matud ni Margie Avenido, sa CVAARRDC.

ANg CVAARRDC maoy nahimo nga research arm nga nagtabang sa DA ug sa ilang mga mag-uuma nga makabaton og siyentipiko nga mga proseso ug teknolohiya ug ang mga resulta sa research ug produkto nga nahimo gikan niini, bukas alang mga gusto mosagop niini, dayag ni Avenido.

Ang Pamaskong Tabo, matapos lang usab dauon sa Disyembre 4. (PIABohol)

NANGITAG TEKNOLOHIYA? Sa mga mag-uuma nga nangitag paagi nga mas mapasayon ug mapadali ang pamaagi sa pagpanguma, ang pagbisita sa Pamaskong Tabo sa DA didto sa APC grounds mahimong magpakita sa gikinahanglan. ANg Pamaskong Tabo buksan sa Disymebre 3 ug matapos sa sunod nga adlaw. (PIAbohol)