CEDEC padayon sa verification

Para interbensyon sa PWUDs

TAGBILARAN CITY, Bohol (PIA)—Padayon ang assessment ug verification sa mga tinugyanan sa Bohol Center for Drug Education and Counselling (CDEC) sa mga persons who use drugs (PWUDS) o kadtong mingtahan kanhi sa Oplan Toktok-Hangyo (Tokhang) sa 83 ka mga barangay sa Bohol gikan sa 14 ka lungsod aron mahi-apil sa kinatibuk-ang programa alang sa interbensyon para kanila.

Kini aron usab mapasayon na alang kanila nga masagul og balik sa katilingban nga dili na na kahadlokan pa nga maka-impluwensya pa sa lain og mahimong produktibong molupyo.

Kini ang nataho sa CDEC, pinaagi ni Assistant Health Officer Dr. Julius Greg Sodusta, didto sa hiniusang tigum sa Provincial Peace and Order Council ug Provincial Anti-Drug Abuse Council sa imaging semana, didto sa Kapitolyo.

Kini usab samtang mikabat na sa 1,396 ka mga PWUDs ang nakakompleto sa Certification ug General Intervention Program nga gipatuman sa Bohol Community Based Drug Rehabilitation Program (CBDRP), taho ni Dr. Sodusta kinsa maoy Assistant Provincial Health Officer sa Bohol.

Ang 738 niini nga mga PWUDs nga nakakompleto sa CBDRP nagagikan sa mga lungsod sa Antequera, Baclayon, Buenavista, Carmen, Clarin, Danao, Dauis, Duero, Lila, Loon, Talibon ug Valencia.

Sa laing bahin, may 483 ka mga PWUDs nga nakahuman sa General Intervention Program gikan sa Enero ngadto sa Disyembre sa mi-aging tuig, taho sa CEDEC. (PIAbohol)

755 BARANGAYS LIBRE NA. Gawas sa 17 ka mga barangay nga wala maapektohi sa hulga sa illegal nga drugas, sa paningkamot sa mga tinugyanan sa kapolisan, ug mga tinugyanan sa balaod, naglihok usab ang CEDEC aron mas mapadali ang pagpahiuli sa katilingban, pasabut ni Dr, Greg Sodusta. (PIABohol)