Sa pagsulod sa 2026

Pamaayohon pa ang mga

Programa batok krimen

TAGBILARAN CITY, Bohol (PIA)— Kon unsa man ang natala nga kaayohan sa kinatibuk-ang buhat sa pagbatok sa kriminalidad ug pagpatunhay sa kahapsay ug kalinaw sa 2025, sa kadaghanon sa krimen, kinahanglang ang sa 2026, mas maayo pa.

Kini maoy gipaambit nga mandu gikan sa pamunuan sa Philippine National Police (PNP) pinaagi ni Chief PNP Police Lieutenant General Jose Melencio Nartates Jr,, ni Police Brigader General Redrico Maranan ug ni Police Colonel Patricio Degay, sugid ni Police Lieutenant Colonel Joseph Berondo sa Kapihan sa PIA.

Gitaho usab sa opisyal kinsa mao nay hepe sa Police Community Affairs and Development Unit (PCADU) nga si LtCol Berondo gikan sa base sa kapolisan sa Bohol, ang Kampo Dagohoy, nga medyo ming-ubos ang mga kaso sa kriminalidad nga natala sa mga police stations sa 2025 kon itandi sa 2024.

Napakita ni Camp Dagohoy Operations Chief Police Major Christopher Fernandez didto sa labing bag-o nga Provincial Peace and Order Council Meeting nga mas pro-active na ang mga kapolisan sa pagsumpo sa krimen, dihang mas gipangunahan nila ang pagpugong aron dili mahitabo ang krimen.

Mas napakunhod ang index crimes, ug mas agresibo ang police sa ilang initiated operations, saysay ni Col Berondo.

Labing daku sa ilang kalampusan gikan sa mas inutok nga paggamit sa police visibility ug deployments subay sa crime clock ug sa deployments nga nakabase sa mga datus gikan sa crime statistics.

Ang enhanced police visibility, usa ka direktiba nga gipakanaug ni Police Brig General Maranan, ang regional police chief, panapos ni Col. Berondo. (PIABohol)

ANDAM NA SA ASEAN. Kon sagsugod ang ASEAN Meetings sa Panglao karon dayon, duol na sa 100% ang kaandamon sa inter-agency task force nga gisangonan sa responsibilidad sa seguridad, kalinaw ug kahapsay ug ka makapasigarbohong tigum sa nga delegados sa silingang mga nasud dinhi sa Bohol, matud ni PLtCol Joseph Berondo sa Kapihan sa PIA. (PIABohol)