Ilaya SRIP gipahubsan,

ayohon, matud sa NIA

TAGBILARAN CITY Bohol (PIA)— Padayon pa nga gipahubsan ang tubig sa Ilaya Small Reservoir Impounding System (SRIS) sa San Pascual, Ubay, taliwala sa possible nga daku nga pnginahanglan sa tubig alang sa irigasyon.

Ang pagpahubas sa tubig sa Ilaya Dam, nga subay sa taho sa National Irrigation Administration Bohol, ang lebel sa tubig niini, anaa na sa 46.84 ka metros niadtong Mayo 25, tungod sa namatikdan nila nga hunob sa tubig nga kinahanglang mapaayo sa labing dali nga pananhon, samtang anaa pay ginagmay nga uwan.

Matud ni Gerared Odtohan, irrigation development officer sa NIA, nga giprograma na sa ahensya ang pag-ayo sa dam.

Kini taliwa sa gikataho sa PAG-ASA nga may daku nga posibilidad nga magsugod na ang tag-init nga dala sa El Nino sa buwan sa Hunyo hangtud mograbe kini sa Nobyembre.

Molanat pa ngadto sa unang kwarter sa 2027 ang gikahadlokan nga El Nino, segunopa usab ni PAG-ASA weather forecaster ENgr Leonardo Samar.

Ang Ilaya SRIS moawas na kon ang iyang tubig moabut sa 60 metros nga elebasyon, ug kon moabut na sa 48 metros ang elebasyon sa tubig niini, wala na kini magamit sa pagpang-patubig amga basakan.

Ang Ilaya Small reservoir Impounding System (SRIS) may 262 ka ektaryas nga mga basakan nga mapatubigoan; ang 139 ektaryas niini gitamnan sa humay.

155 ka mga mag-uuma ang mahimong apektado sa pagpahuba pa karon sa SRIS ug mawad-an sa kahigayunan sa pagtanum tungod sa kawalay tubig nga a-saligan, segun sa NIA.

Hinuon, sa walo ka mga Irrigation Systems ig SRIS sa NIA, ang Ilaya lamang ang may ingon niini nga suliran. (PIABohol)

GIPANINGKAMOTAN NGA MAAYO. Kasamtangan pa nga gipahubsan sa tubig ang Ilaya SRIS tungod sa namatikdan nga hunob sa tubig niiini. ANg pagpahubas, natunong pa nga magsugod na unta og tingtanum u gang taas nga lanat sa ting-init dala sa El Nino. (PIABohol/NIA-7)