PH-Japan information sharing, makatabang sa

seguridad, pagpangandam batok sa kalamidad

TAGBILARAN CITY, Bohol (PIA)—Gipahayag ni Presidente Ferdinand R. Marcos Jr. nga dakung tabang sa seguridad sa Pilipinas ug pagpangandam batok sa kalamidad ang gipakusog nga information sharing agreement tali sa Pilipinas ug Japan.

Matud pa sa Pangulo, apil sa pagtinabangay sa Pilipinas ug Japan ang pagbinayloay og mahinongdanong impormasyon kalabot sa weather forecasting, satellite data, smart cities, ug uban pang teknolohiyang makatabang sa nasod.

“We reinforced our continued commitment to the rule of law, to international law, to the UNCLOS for freedom of navigation in South China Sea (Among gipalig-on ang among padayon nga pasalig sa lagda sa balaod, sa internasyonal nga balaod, sa UNCLOS alang sa kagawasan sa paglawig sa South China Sea),” matud pa ni Presidente Marcos.

Gi-klaro usab sa Pangulo nga dili lamang military intelligence ang nahisulod sa information sharing sa Pilipinas ug Japan.

Gidugang pa sa Pangulo nga naghisgot usab sila kabahin sa panahon, mga smart city ug impormasyon nga kabahin sa satellite nga naa sa Japan nga mahimong wala sa Pilipinas.

Matud pa ni Marcos, makatabang ang weather ug satellite information sa Japan aron mas mapakusog ang disaster preparedness ug agricultural productivity sa nasud.

“Pinaka-importante din ‘yung weather sharing para weather forecasting kasi napakagaling na ng Japan tungkol sa meteorology,” pahayag pa sa Pangulo.

Gidugang pa sa Pangulo nga mahinungdanon kini aron mas mapangandaman sa nasud ang mga bagyo, kusog nga mga ulan, ug epekto ng El Niño, ilabi na aron maprotektahan ang mga mag-uuma ug masiguro ang igo nga suplay sa pagkaon sa nasud. (ECB/PIA-7 Bohol)

Gikan sa post-war reconciliation ngadto sa usa ka hamtong nga estratehikong alyansa nga natukod sa mutual trust ug shared values, ang Pilipinas ug Japan nagplano sa sunod nga kapitulo sa ilang bilateral nga relasyon pinaagi sa pagpataas sa relasyon ngadto sa Comprehensive Strategic Partnership, gipasiugda ni Presidente Ferdinand R. Marcos Jr. sa iyang pakigpulong atubangan sa Joint Session sa National Diet atol sa iyang State Visit sa Japan niadtong Mayo 26-29. (PCO photo)