DSWD-7 nagpagawas sa Q2 payout alang sa

mga indigent senior citizen sa Central Visayas

TAGBILARAN CITY, Bohol (PIA)—Ang Social Pension Program for Indigent Senior Citizens (SocPen) nagpagawas sa mga stipend alang sa ikaduhang kwarter sa tuig 2026 ngadto sa mga benepisyaryo sa tibuok Central Visayas, diin ang mga local government unit (LGU) maoy nang-apod-apod sa bayad ug ang Department of Social Welfare and Development Field Office 7—Central Visayas (DSWD-7) maoy nagsuporta sa maong pagpagawas.

Sa pagkakaron, ang DSWD-7 nakapagawas na og kinatibuk-ang kantidad nga ₱582,951,000, nga nakaabot sa 194,317 ka mga benepisyaryo sa tibuok Central Visayas.

Ang lalawigan sa Bohol adunay 91,981 ka mga benepisyaryo samtang ang lalawigan sa Sugbo, lakip na ang tulo ka mga syudad sa Mandaue, Lapu-Lapu, ug Cebu, adunay 102,336 ka mga benepisyaryo.

Taliwala sa una ug ikaduhang kwarter sa 2026, adunay mga bag-ong benepisyaryo nga narehistro sa programa subay sa gi-update nga proseso sa pagpili (targeting process), nga naggamit sa datos gikan sa Community-Based Monitoring System (CBMS) sa Philippine Statistics Authority (PSA).

Karong ikaduhang kwarter, ang mga kawani gikan sa Philippine Statistics Authority Region VII Central Visayas (PSA-7) ug DSWD-7 nagtinabangay aron i-validate ang listahan sa mga senior citizen nga adunay mga nakit-ang dili pagtugma (discrepancies) sa sistema, ug nagpahigayon og cross-verification sa mga rekord aron pagkumpirma sa mga detalye sa mga benepisyaryo.

Gisagop sa programa ang National ID, o Philippine Identification System (PhilSys) ID, isip nag-unang dokumento sa pag-ila alang sa pagdawat sa bayad.

Gi-awhag sa DSWD-7 ang mga benepisyaryo nga kumpletohon ang ilang digital ID registration.

Gigiyahan sa inisyatibo sa DSWD nga "HAPSAY" ubos sa pagpangulo ni Regional Director Shalaine Marie S. Lucero, CESO III, ang DSWD-7 komitado sa paghimo sa proseso sa pagbayad sa Social Pension nga hapsay, matinahuron, ug episyente alang sa matag senior citizen.

Ang DSWD-7 nagpabilin sa pasalig sa inklusibong sosyal nga proteksyon, nga nagsiguro nga walay senior citizen—bisan unsa pa ang ilang kagikan o lokasyon—ang mabiyaan sa pag-angkon sa suporta nga angay kanila. (ECB/PIA-7 Bohol)

Ang mga indigent senior citizens nakadawat sa ilang cash stipend gikan sa SocPen program pinaagi sa mga kawani sa ilang local government unit sa usa sa 19 ka payout cluster sa siyudad sa Sugbo niadtong Mayo 30, 2026. (DSWD-7 photo)