Silab ni Dagohoy, Aninipot awards

‘Sandugo Trade Expo’ 2026 exhibitors

Makakuha’g dugang mga pasidungog

TAGBILARAN CITY, Bohol (PIA)-Sa tanan nga exhibitors nga mingsalmot sa nagpadayon nga Sandugo One-Town One Product Trade Expo nga gitanyag sa Department of Trade and Industry (DTI), diha sa Island City Mall hangtud sa Domingo, gawas sa segurado nga halin, may lain pa silang mahimong madawat: ang Silab ni Dagohoy ug ang Aninipot Awards.

Gawas sa gikabantug nga seguradong halin sa mga mo-apil sa tinuig nga nasudnong Products Trade Expo nga nagsugod sa usa ka provincial fair niadtong 2009, nahimo na usab nga usa sa mga gi-ilogan nga dungog nga mabitbit sa mga exhibitors nga ming-apil sa exhibit sa mga local nga produkto mao ang mga tanyag nga pasidungog gikan sa DTI-Bohol.

Exhibit nga giila ug gibantug na sa innovations, creativity ug originality, sa pagpangulo sa DTI kinsa maoy nag-agak niining mga exhibitor sa pagmugna sa ilang mga produkto, gilusad na ang promal nga Silab ni Dagohoy ug Aninipot Award aroin ilhon ang ilang mga paghago.

Matud ni DTI Bohol Provincial Director Vierna Teresa Ligan, ang Silab ni Dagohoy pag-ila ngadto sa mga outsanding innovators kang kinsa nga mga produkto nga padayag sa dili hingtupngan nga kamamugnaon, pagkaorihinal ug nagapakita sa desinyo niini nga naglantaw na sa umaabut nga gamit niini.

Ang silab, o ang hait nga kilid sa sundang nagpakita sa hait nga dangatan sa usa ka yano nga hunahuna, mao nga kining makadawat niining pasidungog ilhon sa ilang product innovation, ilabi na sa uniqueness, ka praktikal sa produkto nga mahimong mahimo nga padaghanon ug nagtipig gihapon sa tradisyon ug kapanulondan.

Sa laing bahin, ang Aninipot Award mao na ang kanhi Green Product Award sa DTI.

Kini maoy espesyal nga pag-ila sa mga produkto nga nagpaluma sa environmental responsibility , sustainability ug innovation nga naaghat sa natural nga kaalam nga anaa sa kalikopan, pasabut sa DTI.

Sama sa aninipot nga may nag anago nga kahayag, kini dili molungtag sa kalikopan nga hugaw ug walay balance sa natural nga kalikopan niii.

Pinaagi sa Aninipot Award, kini alangs a produkto nga nagtanyag sa putli, ubay sa kalikopan u gang pagmugna niini, nagsubay sa responsible nga pagpatunhay sa kalikopan ug kalibutan.

Sa mahatagan niini, nagpasabut nga ang ilang materyales nga gigamit: environment-friendly, ang desinyo nunot sa kultura og kapanulondan u gang proseso sa paghimo niini, subay sa malungtaron nga mga pamaagi, saysay sa DTI. (PIAbohol)